Karantene på våre bustadar
Oppdatert 07.01.21
Alle som er i karantene skal registrere seg via dette skjemaet eller ta kontakt med oss på epost/telefon.
Nærkontaktkarantene / Smittekarantene
Skal du i nærkontaktkarantene så følg gjeldande smittevernsreglar. Du kan lese meir på FHI sine sider om nærkontaktar, og dei gjeldande reglane for karantene og isolering.
Innreisekarantene
Kjem du frå eit anna land er det 10 dagars innreisekarantene for alle. Denne kan kortast ned til 7 dagar ved 2 testar med negativt resultat teke etter innreise.
OBS! "Innreisekarantene skal gjennomførast på einerom og med eige bad, der det er tilgang på mat eller eige kjøkken" - Leiv Erik Husabø, smittevernlege i Sogndal Kommune. Dette betyr at dersom du delar bad og/eller kjøkken med andre på våre bustadar kan du ikkje gjennomføre denne typen karantene på studentbustaden din. Dette er til forskjell frå nærkontaktkarantene. Dersom du ikkje har ein eigna stad for innreisekarantene så får du dekka karantenehotell.
Me oppmodar til sist alle om å følgje dei generelle smittevernstiltaka; hald avstand, ha god hoste- og handhygiene og hald deg heime om du har symptom. Har du spørsmål om koronasituasjonen, er mange vanlege spørsmål og svar samla her.